أدوات تجميل منتجات أمريكية بأسعار مصرية

عالم التخسيس و الجمال

Saturday, October 20, 2012

مازلت عذراء تلك هى المشكلة

ومازالت عذراء


ومازالت عذراء

السلام عليكم

أنا في كارثة بجد .. كان فرحي دخلتي يعني من اربع ايام ومن ساعتها وجوزي مش قادر يعاشرني بسبب التوتر اللي عندي اللي تتسبب في ضم العضلة الخاصة بالعضو التناسلي لدرجة تمنعه من معاشرتي وانا كمان انضريت من نفس المشكلة .. الصراحة السبب الحقيقي في الموضوع ده تخويف امي لية من اول ماكبرت من الشباب وتحذيري منهم طول الوقت بشكل يخلي اي واحدة تكره الرجالة .... كلامها معايا كان تخويف خلاني احس ان الراجل ده كائن شرير او مصاص دماء ،، لدرجة اني في ليلة الدخلة بقيت حاسة اني شايفة نصائحها لية فيلم قدامي ،، الموضوع كبر معايا وده تتسبب في ان رد فعلي على جوزي عنيف جداً اكن حد بيغتصبني ... أنا مش عارفة أبدا أخد الامور بهدوء ازاي ولا اروح لدكتور نفسي يساعدني شوية ؟ امي الله يسامحها السبب في المصيبة دي أنا عارفة انها كانت بتنصحني لكن الطريقة اللي نصحتني بيها عشان أحافظ على نفسي هية اللي خليتن أصد جوزي مع اني بحبه جداً .. ياريت اي نصيحة علشان أنا محتاجة أعيش في أمان مع جوزي واعيش حياتي زي كل الناس ... وصدقيني يا أستاذة نيفين أنا كل ما أقرر اهدأ بلاقي رد فعلي زي ما هوة اكن الواحد ركبه عفريت .
أسفة على الإطالة بس بجد أنا في مصيبة ... وشكرا ليكي وياريت لو القراء يشتركوا معانا في الحل همة برضه زي الأخوات .
ل . ر

فضفضة

محررة الصفحة 

الطريقة التي نصحتك بها والدتك في الأغلب هي سبب المشكلة الاساسي .. لكن ما لاحظته  ضمن رسالتك فرضك للحلول المنطقية وهي اما ان تبدئين في تجهيز نفسك معنويا لقبول ان المعاشرة الزوجية هي الامر الطبيعي او انك تلجئين لطبيب يساعدك .. عموما .. أنا أرجح فكرة الطبيب لمعرفته بالطرق العلمية السليمة للتعامل مع نوع مشكلتك .. وفقك الله وراعاك
 

No comments:

Related Posts Plugin for WordPress, Blogger...

Blog Archive